Fussum svei!

Stórn FH hefur tekið ákvörðun um að leyfa Atla Viðari og Heimi Snæ ekki að taka þátt í úrslitaleik bikarkeppninnar. Finnst mér þessi ákvörðun afar léleg og engan vegin tekin með hagsmuni leikmannanna að leiðarljósi. Þessir guttar eru leikmenn FH og myndi ég nú halda að það gæfi þeim báðum afar mikið að fá að taka þátt í eins stórum leik og úrslitaleikurinn er. Sú upplifun og reynsla sem leikmenn fá af úrslitaleikjum er gríðarleg og hjálpar leikmönnunum frekar en hitt. Ætli FH-ingar að nota þessa leikmenn í framtíðinni þá kemur leikur sem þessi þeim mun betur góða en að láta þá horfa á hann úr stúkunni. Félagið ætlar sér greinilega ekki að nota þessa leikmenn í nánustu framtíð og þess vegna er þeim alveg sama þótt þeir missi af þessu stóra tækifæri. FH-ingar eru greinilega hræddir við leikinn og geta ekki hugsað sér að tapa tveimur titlum þetta árið, fari svo að Valsarar hrifsi af þeim íslandsmeistaratitilinn - sem ég tel reyndar frekar ólíklegt. 

Mér finnst þetta ákaflega döpur ákvörðun og engan vegin félaginu til sóma. 

Atli Viðar og Heimir verða ekki með Fjölni í úrslitaleiknum

Athugasemdir

[Stefán (IP-tala skráð) 11.9.2007 kl. 11:38]

Ég tek undir það að þetta er ákaflega döpur ákvörðun, óíþróttamannsleg ákvörðun og FH til lítils sóma.  Núna kemur þjóðin bæði til með að styðja Fjölni í þessum leik og svo Val í lokabaráttunni !

Stefán

[Garðar (IP-tala skráð) 11.9.2007 kl. 13:01]

Virkilega lélegt af stjórn FH....hef bara ekki séð annað eins og það hjá svona stórliði. FH hrapaði í áliti hjá mér í dag og já rétt rúmlega óíþróttamannsleg ákvörðun....