Hvutti að koma...

Biðin eftir hundinum góða er senn á enda. Á föstudaginn kemur munu við Guðrún skella okkur suður að sækja nýja fjölskyldumeðliminn og óhætt að segja að tilhlökkunin sé mikil. Það er rúmlega mánuður síðan við kíktum á hann fyrst og síðan þá hefur maður talið niður. Krílið litla sem er varla gangfær verður með okkur á Brekkubrautinni fyrsta mánuðinn eða allt þar til við flytjum í nýja húsið á Dalbrautinni. Ég afhenti nýjum eigendum Smáraflatarinnar í gær og óhætt að segja að manni sé nokkuð létt að vera loksins búinn að þessu. Allur þessi húsnæðisprósess hefur tekið sinn toll af manni og nú getur maður aðeins slakað á. Verst er þó að hugsa til þess að eftir um mánuð þurfum við aftur að fara að basla. Sökum mikilla anna ætlum við ekki að stressa okkur mikið og eina markmiðið er í raun og vera að vera með allt tilbúið fyrir jól. Sannarlega gott markmið það.

Athugasemdir

[Hafsteinn Gunnarsson, 2.10.2007 kl. 21:26]

Já ekki bara gott markmið heldur líka alveg gríðarlega metnaðarfullt, eins og markmið eiga að vera.

[Guðrún (IP-tala skráð) 4.10.2007 kl. 18:08]

Ég held að markmiðið sé að flytja inn í 1. lagi fyrir jól, nema Lúlli ætli að sjá um þetta allt saman ;)