Náðu í þetta sjálfur!

Ég kíkti í kaffi til Kallsins um daginn. Fyrst og fremst var ég að taka stöðuna á baðherbergismálunum en ákvað svo að biðja um smá kaffi. "Ekki málið" sagði kallinn og við svo komið gekk ég út af baðherberginu og inn í eldhús. Ég sest niður og fletti mogganum á meðan sá gamli var eitthvað að bardúsa við eldhússkápana. Eitthvað fylgdist ég lítið með aðgerðum hans því þegar ég lít upp er hann sestur við hlið mér og byrjaður að gúffa í sig mjólk og kexi. Forviða spyr ég hvar hann hafi lagt kaffibollann minn. "Þarna" sagði hann og benti á Nýju Philips Senso kaffivélina sína. " Reddaður þér!".  Yfir mig hissa stóð ég upp og sansaði mér kaffi. Málið er ekki að þetta hafi verið mikið vandamál fyrir mig, þvert á móti. Ég var bara svo hissa því í hvert einasta skipti sem hann sækir mig heim er stjanað í kringum ra*'/(tið á honum - sem öðrum gestum. Eins og mér einum er lagið hellti ég mér yfir hann...hvers konar gestrisni þetta væri eiginlega? Minn maður fussaði nú bara og hélt áfram að dæla í sig bakkelsinu. Reyndar held ég að skammir mínar hafi snert hann örlítið því hann var frekar aumingjalegur þegar hann kom svo í kaffi til mín daginn eftir, sagðist alveg getað reddað sér. En eitt má hann vita...Ef ekki verður bót á "gestrisni" hans í náinni framtíð, þá getur hann gleymt því að ég kíki í kaffi til hans aftur- Eflaust lætur hann eins og það sé alveg frábært en ég veit að hann getur ekki án mín verið

Athugasemdir

[Heimir (IP-tala skráð) 27.4.2007 kl. 06:18]

Hvernig má þetta vera?Ég fæ alltaf toppþjónustu hjá kallinum.  Það kemur reyndar fyrir er Gunnar býður mér kaffi þá segir hann oft,Rósa mín gefðu Heimi kaffibolla

[Hafsteinn Gunnarsson, 27.4.2007 kl. 10:26]

Notarðu mjólk og sykur?

[Lúðvík Gunnarsson, 27.4.2007 kl. 12:53]

Hvorki mjólk né sykur...Eingöngu svart og sykurlaust!

Þetta er alveg rétt hjá þér Heimir. Þjónustan sem þú hefur fengið í gegn um tíðina hefur verið frá Rósinni.

[Anna Elín (IP-tala skráð) 27.4.2007 kl. 16:03]

Dekurrófurnar ykkar......... Það er hún Rósa sem er búin að snúast á handahlaupum í kringum ykkur alla frá fæðingu....allavega tvo ykkar....

Strákar náið í ykkar kaffi sjálfir..............hehehehe

Þið eruð ágætir...

Knús á ykkur alla  Anna Elín.

[Rósa Kristín Albertsdóttir (IP-tala skráð) 28.4.2007 kl. 10:32]

það er svo gaman að dekra við þessar elskur,ég fæ aldrei nóg af því.

En hvað gerist svo, þrátt fyrir allt þetta dekur mitt í gegn um tíðina þá er alltaf verið að hringja í PABBA og nú er allt bara pabbi þetta og babbi hitt en hvað með mömmu .Hvernig væri nú að hringja í mömmu og skreppa á röltið í Kringlunni eða Smáralindinna og kíkja svo smá á Laugaveginn í búðir ég væri voða ánægð með það..... Koma svo strákar .