Lært af Crewe-inu!

Nú um páskana ætla ég að skella mér til Englands með félaga mínum, honum Helmuth. Ætlunin er að fylgjast með þjálfun enska 2.deildarliðsins Crewe Alexandra. Eftir því sem ég best veit munum við fá að fylgjast með öllum flokkum félagsins, allt frá litlu púkunum upp í atvinnumennina. Það verður spennandi að sjá muninn á þessu enska 2.deildarfélagi og okkar ástkæra Skagaliði. Þetta lið er um miðja 2.deild en samt eru þeir með leikvang sem tekur rúmlega 10 þúsund manns sem er svipað og þjóðarleikvangur okkar Íslendinga án stæða. Stjóri félagsins er maður að nafni Dario Gradi og hefur hann ráðið ríkjum hjá Crewe síðan 1983 sem gerir hann að lengst-starfandi stjóra í sögu enskrar knattspyrnu. Nokkrir frægir leikmenn hafa komið frá þessum annars litla kúbbi eins og t.d. David Platt(Arsenal), Rob Jones(Liverpool), Robbie Savage(Blackburn), Neil Lennon(Celtic), Danny Murphy(Tottenham), Seth Johnson(Derby) og Dean Ashton(West Ham).

Annars er planið að fljúga á London snemma á föstudagsmorgun og taka lestina norður til Crewe sem er staðsett ekki langt frá Manchester. Við verðum hjá félaginu í viku en rúsínan í pylsuendanum er síðari leikur Man. Utd og Roma sem háður verður á Gömlu Tröð næsta þriðjudag. Ég mun auðvitað fylgjast vel með leiknum í kvöld til að byggja upp smá spennu fyrir seinni leikinn.

Áætluð heimkoma er svo föstudaginn 13.apríl...sjitt! Ef tækifæri gefst til þá mun ég henda inn færlsu þar sem farið verður yfir gang mála.

Gleðilega páska! 

Athugasemdir

[Doddi (IP-tala skráð) 5.4.2007 kl. 16:11]

Blessaður vertu nú ekki að þvælast á þennan fótboltaleik á Old Trafford. Tala nú ekki um fyrst þú ætlar að mæta í Arsenal treyjunni þinni. Hafðu það annars bara gott.

Kv.

Doddi og Unnur

[Guðrún (IP-tala skráð) 10.4.2007 kl. 21:23]

Hæ hæ.

Hvernig er svo þarna úti? Það var alla veganna enginn smá leikur í dag!!!

Kveðja,

Guðrún.