Ætti ég?

Ég bý í fjölbýlishúsi með sérinngangi og eina sameiginlega rýmið er hjóla- og vagnageymsla. 

Þarf ég leyfi frá öðrum íbúum hússins eða hef ég rétt á því að fá mér kvikindið óháð þeim?

 Ég meina það...hver segir"NEI" við svona kríli?

Your mother...

Heyrði einu sinni ansi skemmtilega sögu af Bill heitnum Shankly, goðsögn í sögu knattspyrnuliðsins Liverpool. Engum dylst að þetta var frábær knattspyrnustjóri en færri vita að hversu skemmtilegur maðurinn var í tilsvörum. 

Eitt árið sem hann var við stjórn hjá Poolurunum fékk hann ungan markvörð til reynslu. Eftir nokkrar æfingar ákvað Shankly að prófa drenginn í leik. Það gekk ekki betur en svo að í hálfleik var staðan 4-0 andstæðingnum í vil. Tvö af mörkunum voru eftir skelfileg mistök markvarðarins unga þar sem hann fékk knöttinn á milli fóta sér. Þegar leikmenn ganga til búningsklefa í hálfleik bíður Shankly bálreiður á hliðarlínunni eftir greyið markverðinum. Þegar kauði kemur nær stjóranum fer hann strax að afsaka sig og segir: "Yes gaffar, I know. I should have kept my legs closed."

Þá svarar Shankly að bragði: "No son. That's what your mother should have done!" 

Drengurinn fékk ekki samning! 

Köld úti!

Þetta er auðvitað alveg með ólíkindum.

Nokkuð ljóst að konugreyið hefur verið "köld úti" innan fjölskyldunnar.

Best að hringja í mömmu gömlu. 

Fann vel varðveitt lík í sófanum

Mr. Skúlason

Ég hef farið á nokkra tónleika um ævina. Flestir hafa þeir verið alveg meiriháttar skemmtilegir þó einstaka sinnum verði maður fyrir vonbrigðum.

Síðastliðið föstudagskvöld fór ég sennilega á eina skemmtilegustu tónleika mína til þessa. Þeir voru dálítið frábrugðnir öðrum tónleikum því tilefnið var 50 ára afmæli Einars nokkurs Skúlasonar eða "Faxa" eins og margir vilja kalla hann. Hélt hann upp á afmælið sitt með því að halda stórtónleika í Bíóhöllinni góðkunnu.  Sem betur fer fékk ég boðskort. Einar sjálfur var auðvitað í aðalhlutverki þetta kvöld og lék hann sín uppáhaldslög með hinum og þessum sveitum auk þess sem ýmsir gestalistamenn tróðu upp. Mig langar til að nefna þá sem stigu á svið þetta ágæta kvöld - bara til að vekja öfund hjá þeim sem ekki voru á svæðinu. Þeir sem fram komu voru: Melasveitin, Herradeild P.Ó., Von, Orri Harðar, Árgangur '57, Wipe Out, Skúlason-fjölskyldan, Andrea Gylfa og Eddi Lár og Óli Palli(ég ætla að vona að ég sé ekki að gleyma neinum). Lögin voru öll í anda Einars og um leið hvert öðru betra. Sem betur fer hef ég orðið þeirrar lukku aðnjótandi að kynnast Faxa og hefur hann leiðbeint mér með margt í gegn um tíðina - Kann ég honum bestu þakkir.

Til hamingju með 5-tugs afmælið þann 9.febrúar síðastliðinn.

Halló halló!

Á þetta að vera hægt? Getið þið ímyndað ykkur að Reading tæki Man.Utd. 4-0 í undanúrslitum enska bikarsins? Svei mér þá - held að það sé bara ekki hægt.  Svo kemst Eiður ekki í byrjunarliðið...hvaða hneyksli er það? Komdu þér í burtu þaðan strákur.

Barcelona steinlá og er fallið úr bikarnum

Sagði bless og fór.

Það er alveg með ólíkindum hvað íslenskar fréttir eru magnaðar. Er það ekki merki um að EKKERT sé að gerast í íslensku þjóðfélagi þegar maður sér frétt sem þessa.

Félagi hans pabba datt af hestbaki um daginn og steinrotaðist. Maðurinn var í reiðtúr með nokkrum félögum sínum þegar hesturinn fældist og henti manninum af baki með fyrrgreindum afleiðingum. Grunur leikur á að mús hafi hlaupið í veg fyrir hrossið. Maðurinn hefur nú jafnað sig.

Í guðanna bænum!

Féll af reiðhjóli og slasaðist

Ég játa!

Ég stal einu sinni gulrótum í garðinum hjá Adam nágranna mínum. Ég var 6 ára að mig minnir.Gleymi því aldrei. Löggan send heim og allt. Ég játaði þó aldrei en sökum mikillar sektarkenndar undanfarin ár geri ég það hér og nú. Fyrirgefðu Adam. Sem betur fer er málið fyrnt.

Handtekinn fyrir að hafa myrt eiginkonuna fyrir ellefu árum

Hjálp! Hvað á ég að gera?

Undanfarna daga hef ég verið að velta fyrir mér hvaða flokk ég ætti að kjósa næsta laugardag. Ég hef ekki fylgst mikið með kosninabaráttunni en dálítið þó. Mér finnst einhvern vegin eins og allir flokkarnir séu með það sama. Ég veit þó að sú tilfinning mín er ekki alveg rétt því allir vilja þeir hafa sína sérstöðu. En eitt hefur mér þó leiðst í þeirri umræðu sem ég hef tekið þátt í og fylgst með utan frá mér. Mér má t.d. ekki finnast eitthvað sniðugt hjá Samfylkingunni án þess að ég sé þá bölvaður vinstrisinni. Ef ég voga mér að tala um eitthvað gott sem sjálfstæðismenn gera þá ég hluti af helvítis íhaldinu. Og ef mér dirfist að tala um að útlendingaumræða frálslyndra sé eitthvað sem vert sé að huga að þá er maður frjálslyndur rasisti. Maður má einhvern veginn ekki hafa skoðun á einu né neinu án þess að vera stimplaður með hinum eða þessum hætti. Kommentið hans Sigga frænda undir "Seljann" færslunni minn er gott dæmi.

Eins og staðan er akkúrat núna þá er margt við núverandi stjórn sem mér finnst mjög gott. En á móti kemur þá finnst mér vanta upp á gríðarlega mörg atriði. Ef ég kýs annan flokkinn af þeim sem eru við stjórn get ég þá verið fullviss um að þeir lagi eitthvað af þeim málum sem mér finnst þurfa að laga? Ef ég kýs stjórnarandstöðuflokk get ég þá verið fullviss um að efnahagsástandið haldist jafn gott og það er - að mínu mati? Maður getur auðvitað ekki verið viss um nokkurn skapaðan hlut en hvað á ég þá að gera? Á ég að kjósa fyrir mig, kjördæmið mitt eða fólkið í landinu? HVAÐ Á ÉG AÐ GERA?

Sjá þennan stubb!

Það fór auðvitað ekki framhjá neinum Íslendingi að í gær var 1.maí. Kröfugöngur hér og þar ásamt ýmsum öðrum viðburðum. Einn af þessum viðburðum var 60 ára afmæli Hestamannafélagsins Dreyra. Í tilefni dagsins var þessi líka fína dagskrá og óhætt að segja að það hafi eitthvað verið fyrir alla. Þá var gríðarlega margt um manninn sem gerði daginn enn betri. Uppúr stóð þó glæsilegur árangur Kallsins. Hann keppti í karlaflokki á elsku Birtu sinni og hreppti 3.sætið, glæsilegt það og innilega til hamingju. En það er þó gaman að segja frá því að í öllu patinu í gær varð mér skyndilega svakalega mál. Þá upplifði ég vondan draum, ekkert klósettið í hesthúsinu. Ég dó þó ekki ráðalaus. Ég henti konunum, sem í húsinu voru, út og bjó mig undir að skvetta úr skinnsokk mínum beint í flórinn eins og sönnum hestamanni sæmir. Þegar ég geri mig líklegan til að byrja verð ég var við að hestarnir líta á mig hver á eftir öðrum. Þar sem ég á erfitt með að pissa undir pressu fussaði ég á þá þar til þeir litu undan. En þegar ég er nýbyrjaður líta þeir aftur á mig án þess að ég geti nokkuð viðhaft. Stara þeir á mig eins og fljúgandi klósettsetu og engin leið til að fá þá til að hætta. Tekur einn sig þá til og hefst handa við sömu iðju og ég, mér til mikillar gremju. Ekki það hann hafi ekki mátt míga, alls ekki. En sjónin sem við blasti var hreint ekki uppbyggjandi fyrir mannskeppnuna. Svei mér þá ef einhverjir prakkarahesar hafi hreinlega ekki hlegið að mér þar sem ég stóð þarna eins og illa gerð fata sem lekur. Þetta verður í síðasta skipti sem í míg í námundan við hesta.

Selja manninn.

Horfði á Kastljósþátt gærkveldsins í morgun. Það sá ég Jónínu Bjartmarz í "viðtali" við Helga nokkurn Seljan. Ég set gæsalappir utan um viðtal því í hvert skipti sem Jónína ætlaði að svara honum eða reyna að koma einhverju á framfæri þá greip hann fram í fyrir henni og sagði henni að svara honum. Skil ekki svona. Þá fannst mér efnið sem var til umræðu ákaflega hallærislegt, að kærasta sonar Jónínu hafi fengið íslenskt ríkisfang og að það hafi bara verið vegna tegnsla hennar. Að mínu mati var þetta ákaflega slök tilraun til að koma höggi á Jónínu og líklega flokk hennar. Væri ekki hægt að beina fréttaspjótunum að merkilegri málefnum Helgi minn?

Mér finnst að RÚV ætti að sej'ann aftur yfir á Stöð 2.